آسيا الصعيليك· المؤسِسة
قصة التأسيس
من قلب التحدي .. وُلدملاذ سانكشوري الآمن
أنا آسيا الصعيليك، وابتدت رحلتي من قلب القطاع الخاص. تنقلت بين مجالات التسويق، المبيعات، وإدارة الموارد البشرية، وكل تجربة كانت تبني فيني حساً جديداً بمتطلبات السوق.
لكن مثل كل امرأة تطمح وتفكر أبعد، وصلت لمرحلة حسيت إن الوقت حان أبدأ مشروعي الخاص، من لا شيء… ولكن بإيمان كبير. واجهت مواقف مو سهلة: قرارات مصيرية، ضغط ذهني، وإحساس إني أحتاج مساحة آمنة أتنفس فيها، أتعلم، وألقى أحد يفهمني ويشبهني.
ومن هني وُلدت فكرة سانكشوري. مو مجرد نادي، بل مجتمع واعي وراقي، يجمعنا كسيدات أعمال نطمح ننمو سوا. مكان تلاقين فيه الدعم الحقيقي، العلاقات اللي تنفعك، وتطوير فكري وعملي يخليك تكملين مهما كانت الظروف.
